მარაბდის დღესასწაულები, ადათ-წესები

by Giorgi Tedoradze — last modified 2011-01-08 14:26

მოსახლეობის უდიდეს ნაწილში დღემდე შემორჩენილი რიტუალებიდან, უპირველესად აღსანიშნავია საქორწინო და სამგლოვიარო ტიპის რიტუალები. მნიშვნელოვანია ასევე, ხალხური ქცევის სანახაობები და გარკვეული რელიგიური დღესასწაულები, ისეთები როგორიცაა სვეტიცხოვლობა, გიორგობა, შობა, აღდგომა და ა.შ.

კონკრეტულად ჩვენი სოფლის დღესასწაულებიდან აღსანიშნავია მარაბდობა, რომელიც ყოველი წლის 1 ივლლისს აღინიშნება. ამ დღეს იკრიბება მთელი სოფლის მოსახლეობა, ასევე მოწვეული სტუმრები და ყველა ერთად პატივს მიაგებენ 1625 წლის 22 ივნისს მარაბდის ბრძოლაში დაღუპულ გმირებს. წლევანდელ მარაბდობაზე სხვა მოწვეულ და საზოგადოებისთვის ცნობილ ადამინებთან ერთად ბრძანდებოდნენ მანგლისისა და წალკის მიტროპოლიტი ანანია, საპატრიარქოს ჩოხოსანთა დასი - პროფესორ გოგი დოლიძის ხელმძღვანელობით. მას შემდეგ რაც, ქვემო ქართლის ეპისკოპოსმა მეუფე ანანიამ 1625 წლის მარაბდის ბრძოლის დაღუპული მეომრების სულის მოსახსენიებლად პარაკლისი გადაიხადა, შეკრებილ საზოგადოებას სიტყვით მიმართეს ბატონებმა გოგი დოლიძემ, რეზო ესაძემ, ჯუმბერ ლომინაძემ და სხვებმა. შემდეგ ჩვეულებისამებრ მოწვეულმა ანსამბლებმა გამართეს სიმღერა და ცეკვა. აქვე ფართო საზოგადოებისათვის ცნობილი გახდა, რომ ცხრა ძმა ხერხეულიძე დედასთან ერთად საპატრიარქოს წმინდა სინოდმა წმინდანებად შერაცხა.